Hamlet vorra daga.

 Að skrá sig á Tinder
eða hringja í Vinalínuna
þarna er efinn...

án titils

 ef þú grætur
þig stundum í svefn
vegna þess að ég
er ekki hjá þér
þætti mér vænt um
að heyra frá þér
svo fljótt sem verða má

 

 Sjórekinn jakki af barni

Þar sem ég gekk með ströndinni,
þennan páskadagsmorgun í paradís,
sá ég ólögulega þúst á sandinum.

Þetta var jakki af barni.
Bara venjulegur mittisjakki,
með einangrun úr gerfiefni.

Greinilega búinn að velkjast lengi um Miðjarðarhafið.

Ég gat ekki annað en velt fyir mér,
hvernig þessi flík hafði rekið á fjörur.

Vonaði að velmegunarbarn að norðan
hefði gleymt sér við leik og gleymt jakka.

Fannst þó hitt líklegra að jakkinn kæmi að sunnan,
en samt upphaflega austan úr Asíu.

Saumaður af börnum fyrir börn,
fluttur norður og seldur í búð,
notaður um tíma og fleygt.

Kannski í rauðakrossgám
og fluttur aftur suður,
þangað sem næturnar eru ískaldar.

Þangað sem dagarnir eru brennheitir
og engin von í sjónmáli nema að ganga norður.

Koma að hafi, allslaus með börn,
upp á ónáð og miskunnarleysi varganna.
Sem gera sér mat úr voninni og allsleysinu 
og lofa fari norður, í draumalöndin.

Svo er lagt á hafið í köldu skjóli nætur.
Þá er gott að vera í hlýjum jakka.

En það komast ekki allir bátarnir yfir.

Sumir jakkar (og krakkar) enda í sjónum.

Hvað voru þau að þvælast þetta?
Spyr svo fólk sem hefur aldrei horft
á börnin sín deyja úr þorsta.

 Einn daginn
þegar ég geng með ströndinni
nem ég staðar
eins og svo oft
horfi á línuna
þar sem haf og himinn ná saman
En í þetta sinn
klæði ég mig úr
brýt saman fötin
og legg þau í sandinn
hjá vonum mínum
draumum
og vonbrigðum.
Svo veð ég út í kaldan sjóinn
og syndi í átt að sjóndeildarhringnum
þangað til ég get ekki meira
og sekk
í
þögult
myrkrið

When best-laid plans have fallen to waste
and frustration abounds in their former place,
when failure looms with doubts and fears
we must endeavor to persevere!

When dreams are shattered and hopes are dashed,
goals upon the shoals have crashed,
when gladness is but a memory dear
let us endeavor to persevere.

sans titre

ísköld rigningin og sorgin
láku niður um hálsmálið
þar sem ég gekk í nóttinni.

Fann grafskriftina mína...

“No good at life, but very funny sometimes with the commentary.”

-K.V.