Stjúpbauni

12.01.2012

2012-01-12T20:57:00.000Z

Lífsmark...

2011-09-05T10:56:00.000Z

Þetta blogg er eiginlega dautt, varla að það dragi andann orðið.
Samkvæmt teljaranum er bara inn fastagestur sem lítur reglulega inn.
Hún ætti nú að finna sér eitthvað þarfara að gera...

Vorboðinn ljúfi...

2011-05-25T10:09:00.000Z

Senn kemur hann sonur minn með sumarið til mín.
Þá verða bjartir dagar.

Stundum verða orðin svo agnarsmá.

2011-01-19T10:58:00.000Z

Í dag verður fóstra mín lögð til hinstu hvílu.
Mér finnst við hæfi að garðurinn blasir við frá Hraunbrautinni.
Þar bjó hún lengst og þar ólst ég upp, hjá henni.

Hún átti ekki merkilega æfi, ef mælt er á kvarða fyrirmenna og forseta.
Lífið var lengst af óttalegt basl, efnin lítil og tækifærin takmörkuð.
Það liggja ekki eftir hana stórvirkin eða minnisvarðarnir.

Og þó.
Hún kom fjórum börnum til manns þó hún eignaðist engin sjálf.
Það hefur margur haft meira og gert minna.

Og nú er hún farin.
Hún kvaddi þennan heim ekki baráttulaust.
Þó heilsan væri orðin léleg var lífsviljinn sterkur.

Og ég fékk að sitja hjá henni undir það síðasta.
Halda í hendina hennar og segja henni hvað mér þætti vænt um hana.
Það var sárt að horfa á hana deyja, en gott að geta verið hjá henni.

Takk fyrir allt, elsku Rósa mín.

Letin er móðir allra framfara...

2011-01-03T23:02:00.000Z

ekki fann einhver dugnaðarforkur upp hjólið, svo mikið er víst!

Hér hefði komið skondin mynd, ef ég hefði nennt að leita...

Jæja, Gleðilegt á

Lífsmark.

2010-10-06T18:57:00.001Z

Ég ætla nú bara að anda rólega áfram þó sumstaðar sé allt að verða vitlaust...

Svo deplar maður auga...

2010-07-20T11:01:00.000Z

og allt í einu hefur tíminn þotið áfram.
Á morgun siglir sonur minn norður.
Nú verða taldar mínútur...

Tæpar þrjár...

2010-07-04T18:24:00.000Z

vikur geta verið ótrúlega lengi að líða.

Án titils...

2010-06-16T12:06:00.000Z

Hann á...

2010-05-07T00:02:00.004Z

afmæli í dag, elsku stóri litli drengurinn minn.

Tíminn líður svo ógnarhratt...

Endurtekið efni...

2010-04-20T13:14:00.001Z

Ég póstaði þessu hér fyrir rúmu ári.

Góð vísa og allt það...

Gift to self, on birthday...

2010-04-18T16:51:00.001Z

22,7 km. Pretty fly for an old guy!

Árunum kennir gamall bullari...

2010-04-16T00:01:00.000Z

Þgar ég ætlaði að fara að sofa í gærkvöld stóð allt í einu hersing af draugum við rúmgaflinn.
Af því sjónin er farin að daprast með aldrinum sá ég ekki framan í allar vofurnar, en nokkrar þekkti ég strax. Þarna voru aldursváin, afkomuóttinn, náttúruógnin, heimsósóminn, félagsfælnin, frammistöðukvíðinn og fjöldi annarra. Mér varð ekki svefnsamt og átti í mesta basli með að kveða þennan hóp niður. En áður en ég sofnaði, einhverntíma undir morgun hugkvæmdist mér ráð.
Ég þarf bara að hlaupa hraðar...

Birtum þetta!

2010-04-10T16:23:00.002Z

“Vegna stefnu Pálma í Fons gegn Svavari Halldórssyni fréttamanni RÚV geri ég hér með orð Svavars (fréttatexta) að mínum og hvet alla til að birta eftirfarandi fréttir:
Frétt 1:
Pálmi Haraldsson notaði skuldaviðurkenningu frá Baugi sem veð þegar hann fékk tveggja og hálfs milljarða króna lán frá Glitni rétt fyrir hrun. Baugur og eigendur hans voru ráðandi hluthafar í Glitni og viðskiptafélagar Pálma. Bankinn hefur ekkert fengið greitt og peningarnir eru týndir.
Pálmi Haraldsson í Fons kom víða við í góðærinu. Hann átti Iceland Express, Skeljung, Securitas, flugfélagið Sterling og hluti í FL Group og bresku verslunarkeðjunni Iceland. Meðal helstu viðskiptafélaga hans var Jón Ásgeir Jóhannesson.
Hann átti meðal annars Gaum og réði ríkjum í Glitni.
Fons, félag Pálma, átti hlutabréf í Högum og Debenhams sem Pálmi seldi félaga sínum Jóni Ásgeiri í Baugi, snemma árs 2007. Á móti fékk Pálmi skuldabréf á Baug. Allir pappírar virðast hafa verið útbúnir í samræmi við lög og reglur. Pálmi fór með skuldabréfið í Glitni og lagði það að veði fyrir tveggja og hálfs milljarða króna láni sem hann fékk greitt út í peningum. Á þeim tíma var Baugur Jóns Ásgeirs í miklum vanskilum við Glitni Jóns Ásgeirs, en skuldabréfið þótti samt sem áður fullnægjandi trygging. Hlutabréfin hurfu síðar úr Baugi yfir í önnur félög Jóns Ásgeirs en allir gjalddagar voru framlengdir inn í framtíðina. Félögin þrjú í þessari fléttu fóru öll á hausinn eitt af öðru, Glitnir, Baugur og Fons. Þessa sögu má lesa úr lánasamningum, viðaukum og allskyns skjölum sem fréttastofa hefur undir höndum.
Allar skuldaviðurkenningar liggja ógreiddar í búum hinna gjaldþrota fyrirtækja. Einu alvöru peningarnir í þessum viðskiptum voru 2500 milljónir króna, sem fóru úr Glitni og í hendur Pálma Haraldssonar, en þeir peningar finnast hins vegar hvergi.
Frétt 2:
Ekki verður hægt að ganga að Pálma Haraldssyni vegna gjaldþrots Fons, þar sem hann er ekki í persónulegum ábyrgðum. Kröfur í þrotabú félagsins nema 38 milljörðum króna og ljóst að stór hluti tapast. Pálmi segist geta gert grein fyrir því hvað varð um tveggja og hálfs milljarðs króna ógreitt lán frá Glitni.
Fréttastofa sagði frá því gær að 2.500 milljónir króna sem Pálmi Haraldsson fékk lánaðar hjá Glitni fyrir hrun virðast gufaðar upp í flókinni viðskiptafléttu. Lögmaður Pálma hefur hótað fréttamanni málsókn, verði fréttin ekki dregin til baka og beðist afsökunar. Pálmi segir að féð hafi verið notað til að greiða lán Fons hjá Landsbankanum og kaup á sjóðsbréfum Glitnis og hefur látið fréttastofu í té færslunúmer þessu til sönnunar. Ómögulegt er hins vegar út frá þeim að staðfesta orð Pálma. Fréttastofa hafði í gær eftir heimildarmönnum, sem hún metur áreiðanlega, að féð virðist hafa horfið og finnist ekki í þrotabúi Fons.
Þeir hafa staðfest það aftur í dag. Lánið hefur aldrei verið borgað. Af frétt gærdagsins hefði mátt skilja að Pálmi hafi sjálfur tekið umrætt 2.500 milljóna lán persónulega, en ekki eignarhaldsfélag hans, Fons, sem nú er í skiptameðferð. Hér með er áréttað að Fons tók lánið, en Pálmi var þar aðaleigandi, annar tveggja prókúruhafa og einn skráður í framkvæmdastjórn, samkvæmt fyrirtækjaskrá.
Kröfur í þrotabú Fons nema um 38 milljörðum króna og ólíklegt að nokkuð fáist upp í almennar kröfur.
Pálmi Haraldsson var hins vegar ekki í neinum persónulegum ábyrgðum og því fellur ekki blettur á hans kennitölu við gjaldþrot Fons. Hann á enn miklar eignir víða um lönd í gegnum önnur félög sín.
Fyrirtækjaveldi Pálma virðist hafa fengið góða fyrirgreiðslu hjá Glitni fyrir hrun. Fréttastofa hefur undir höndum gögn um fjögur lán sem tekin voru frá því í desember 2007 og fram á mitt ár 2008.
Samanlögð upphæð þeirra nemur um 22 milljörðum króna. Þrotabú Glitnis gerir tæplega 24 milljarða króna kröfu í þrotabú Fons og fyrirséð er að það muni taka milljarðaskell. Títtrætt 2.500 milljóna lán hefur aldrei verið greitt og féð finnst ekki í þrotabúi Fons.
Frétt 3:
Eignarhaldsfélaginu Sundi var tryggt með leynisamningi við Baug að það gæti losað sig við fimmtungs hlut sinn í Northen Travel Holding á hærra verði en hann var keyptur. Að auki fékk Sund sérstaka þóknun fyrir viðvikið, samtals 475 milljónir króna.
Í desember 2006 seldi FL-Group lággjaldaflugfélagið Sterling fyrir 20 milljarða inn í nýtt félag, Northern Travel Holding. Það var í eigu stórra hluthafa Glitnis, seljandans FL, og Fons Pálma Haraldssonar og síðan Sunds, sem var í eigu fjölskyldu Óla heitins í Olís. Hið síðastnefnda lagði til 2500 milljónir og eignaðist um 22% í nýja félaginu. Baugur, Jóns Ásgeirs Jóhannessonar, skuldbatt sig jafnframt til að kaupa aftur bréfin af Sundi, samkvæmt leynilegum baksamningi. Fons stofnaði svo nýtt félag 2008, M21 sem fékk lán hjá Glitni til að kaupa Sunds-bréfin, fyrir 2750 milljónir. Hlutabréfin sjálf voru látin duga sem veð og lánið er enn ógreitt. Sund fékk að auki sérstaka 222 milljóna króna þóknun fyrir ómakið. Mál þetta er til rannsóknar hjá yfirvöldum. Fons bólgnaði út og greiddi eigendum sínum rúma fjóra milljarða í arð, en Fons, Northern Travel Holdins, Baugur og Glitnir eru nú öll farin á hausinn. Skiptastjóra Fons hefur tekist að rekja slóð milljarðanna fjögurra til Lúxemborgar, en síðan ekki söguna meir. Um þá snýst eitt fjölmargra riftunarmála sem hann hefur höfðað. Þetta má allt saman lesa út úr skýrslu endurskoðenda, leynisamningnum sjálfum, lánasamningum og fleiri skjölum. Allt var þetta hluti mikillar viðskiptafléttu þar sem Sterling flugfélagið gekk ítrekað kaupum og sölu, og allir virðast hafa grætt, ja nema Glitnir.
Eftirmáli, þulur les: Ekki náðist í Pálma Haraldsson við vinnslu þessarar fréttar og Jón Ásgeir Jóhannesson vildi lítið tjá sig um málið.”

Catch of the day

2010-04-06T10:19:00.000Z

Hamsturinn hefur orðið...

2010-03-22T22:57:00.001Z

Ég hef hlaupið svolítið undanfarnar vikur.
Úti þegar viðrar þokkalega, en annars inni, í ræktinni, eins og hamstur á færibandi.
Á þessum innihlaupum hef ég ekki komist hjá því að taka eftir nokkru sem mér finnst stórundarlegt.
Nokkur hluti hlauparanna knáu svindlar. Þegar hlaupið stendur sem hæst, gerir þetta fólk sér lítið fyrir og stígur af bandinu, út á hliðarnar og stendur þar í lengri eða skemmri tíma. Á meðan snýst bandið á fleygiferð og kílómetramælirinn snýst og snýst. Með þessu móti getur fólk skammtað sé bónus, farið kílómeterinn á svona áttahundruð metrum, allt eftir smag og behag. Mér finnst satt að segja einhver bankamannabragur á þessu en fyrst og fremst velti ég því fyrir mér, hvern fólkið er eiginlega að plata?

Varúð, hér bloggar reiður ungur maður!

2010-02-23T23:33:00.003Z

Ég fór í bíó í kvöld, með kærustunni, sem er svo sem ekki í frásögur færandi. Við áttum eftir að sjá Milennium 3 og bættum úr því. Við vorum forsjál, keyptum miðana á netinu heima og svifum þess vegna fram hjá miðasölunni og inn og aftast í stóran hóp fólks sem beið eftir að hleypt yrði til salar. Runnum svo inn með skriðunni og fengum þokkalegustu sæti, aftarlega út á enda bekkjar. Allt í lukkunnar velstandi. En Adam (og Eva) voru ekki lengi í Paradís. Skömmu eftir að myndin hófst vöfruðu tvær konur á sextugsaldri inn í salinn hlaðnar poppi og gosi. Það var fátt um fína drætti í sætamálum, einu lausu sætin sem eftir voru, reyndust á fremsta bekk út við gang og þótti þeim stöllum það greinilega ekki boðlegt. Þær ráfuðu því út, en sneru von bráðar aftur með starfsmann sem rogaðist inn með stóla fyrir þær, plantaði þeim við hliðina á okkur og lét þær meira að segja hafa aukastól undir veitingarnar.
Nú hefði þessi færsla ekki orðið lengri, ef allt hefði verið með felldu í höfðinu á þessum konum, en ónei! Þær upphófu hrókasamræður, með flissum og bakföllum og virtust litla hugmynd hafa um að fram færi kvikmyndasýning í húsnæðinu og nærstaddir vildu heldur horfa á Lisbet og félaga en hlusta á innihaldslaust skvaldrið í þeim sjálfum. Unnustan (sem er kurteisin holdi klædd) benti þeim afar vinsamlega á að sýning kvikmyndarinnar væri hafin, en mætti fullkomnu skilningsleysi og allar götur fram að hléi hélt málæðið áfram, sleitulítið. Virtist einu gilda þó fólkið í kring sussaði eða hvessti á þær augu, blaðrið hélt afram sleitulítið. Í hléinu reyndi ég að hafa upp á starfsmanni til að bera fram kvörtun, en fann enga, aðra en stelpurnar í sjoppunni sem engin leið var að nálgast fyrir sælgætishungruðum bíógestum. Þessir mælskufossar komu svo auðvitað aftur í stólana nokkru eftir að sýningin var hafin á nýjan leik og tóku til óspilltra málanna. Það verður síðan að viðurkennast að heldur dró úr þvaðrinu, eftir því sem á leið myndina, hvort sem um var að kenna því að ég hvæsti á þær að hætta þessu andskotans blaðri eða að þær urðu uppiskroppa með umræðuefni. Hvað um það hef ég ekki, svo ég muni, upplifað annað eins tillitsleysi í bíó síðan ég sá strákana hrækja af svölunum í Gamla bíó fyrir margt löngu.
Það þarf svo ekki að taka fram að ég lagði trýnin á roðhænsnunum vandlega á minnið og mun sýna þeim ískalda fyrirlitningu verði þær á vegi mínum aftur.

Kristinn Jón Guðmundsson

2010-02-11T13:18:00.004Z

hefur einhverra hluta vegna verið mér hugleikinn í dag.

Það væri gaman að hitta hann aftur, þó ekki væri nema einu sinni.

*Vona að mér fyrirgefist myndarstuldurinn Elín

Bráðum koma...

2010-02-10T12:47:00.003Z

blessuð börnin mín.

Niðurtalning hafin...

2010-01-20T11:05:00.000Z

Reikult er rótlaust þangið,

rekst það um víðan sjá.

Straumar og votir vindar

velkja því til og frá.

Fuglar flugu yfir hafið

með fögnuði og vængjagný,

- hurfu út í himinblámann

hratt eins og vindlétt ský.

Þangið, sem horfði á hópinn,

var hnipið allan þann dag.

Bylgjan, sem bar það uppi,

var blóðug um sólarlag.

Jóhann Sigurjónsson

1880 - 1919

Jólakveðja

2009-12-24T10:03:00.002Z

Jæja, daginn farið að lengja. Stefnir í að maður lifi af einn veturinn enn.

Það er léttara með góðu fólki.

Bestu þakkir til ykkar, þið góða fólk sem gerið mér lífið bærilegra.

Svo koma jólin aftur til mín í febrúar...

Bakkafullur lækur, en samt...

2009-12-05T12:35:00.003Z

Ég er orðinn alveg ofboðslega leiður á þessuIcesave þrasi endalaust.
Allt bullið sem vaðið hefur uppi er svo yfirgengilegt að manni fallast eiginlega hendur.
Mér finnst þetta nefnilega afskaplega einfalt mál.
Atburðarásin var svona:
1. Íslensk stjórnvöld (kosin af almennningi) gáfu vinum sínum banka.
2. Vinirnir (sem reyndust vera ótíndir glæpamenn) keyrðu bankann í þrot.
3. Stjórnvöld og eftirlitsstofnanir í landinu hundsuðu aðvaranir og gripu ekki í taumana, heldur þvert á móti slökuðu á reglum.
4. Þegar allt var að fara til andskotans í bankanum datt bófunum í hug að ljúga út úr fólki sparifé, einkum í Englandi og svo Hollandi.
5. Þegar þarlendir eftirlitsaðilar fóru að hafa áhyggjur af stöðunni hjá glæpamönnunum og bankanum þeirra gengu stjórnvöld og stofnanir hér rösklega til verks við að róa liðið.
6. Bankinn fór á hausinn eins og óhjákvæmilegt var og mikill fjöldi erlendra innistæðueigenda tapaði peningunum sínum.

Hver ber svo ábyrgð á stöðunni sem upp er komin?
Það blasir við að Sjálfstæðisflokkurinn á þetta mál með húð og hári.
Davíð Oddsson (sjálfstæðismaður) gaf flokksbræðrum sínum ríkisbanka.
Einn þeirra, Kjartan Gunnarsson (framkvæmdastjóri Sjálfstæðisflokksins), sat sem varaformaður bankaráðs m.a. til að viðhalda tengslum banka og flokks, samanber talsambands-ummælin. Forstjóri Fjármálaeftirlitsins sem átti að hafa eftirlit með bankanum er fyrrum formaður Heimdallar. Sá sem skipulagði kynningu og markaðssetningu Icesave í Evrópu er að ég best veit Þórlindur Kjartansson nú varaþingmaður flokksins. Hinir ýmsu ráðherrar flokksins (með dyggilegri aðstoð Ingibjargar Sólrúnar og Björgvins G. Sigurðssonar) stungu skýrslum undir stóla, fóru í trúboðsferðir og reyndu í lengstu lög að hilma yfir með glæpamönnunum.

Og um hvað snýst svo Icesave málið í dag?
Hundruð þúsunda innistæðueigenda töpuðu háum fjárhæðum.
Bresk og Hollensk stjórnvöld krefjast þess að íslensk stjórnvöld standi skil á lámarksinnistæðutryggingu (20.800 evrum) til einstaklinga sem áttu innistæður.
Og þar sem innistæðutryggingasjóðurinn er tómur er krafan að stjórnvöld ábyrgist þessa skuldbindingu. Nú er rétt að undirstrika og ítreka að það er ekki verið að krefjast þess að íslenski tryggingasjóðurinn greiði meira en lámarkstrygginguna. Og það er ekki verið að krefjast þess að sjóðurinn greiði öðrum en einstaklingum trygginguna. Líknarfélögin, barnaspítalarnir og allir hinir sem áttu fé á þessum reikningum eiga bara almenna kröfur í þrotabúið og fá væntanlega ekkert upp í þær. Bretum og Hollendingum er hins vegar ljóst að við eigum ekki fyrir þessu og hafa þess vegna samið við hérlend stjórnvöld um að lána okkur fyrir tryggingunni.
Þar að auki hafa sömu stjórnvölsd ákveðið að bæta reikningseigendum skaðann umfram lágmarkið, þó ljóst sé að það fæst ekkert upp í þær greiðslur frá þrotabúinu eða tryggingasjóðnum.

Helstu rökin gegn því að semja eru þau að
a) hér hafi orðið kerfishrun og þess vegna eigi lög og reglur ekki við
b) Landsbankinn hafi verið einkafyrirtæki og þess vegna engin skuldbinding hins opinbera
c) þetta sé gölluðu regluverki Evrópusambandsins að kenna og komi okkur þess vegna ekki við.

Um þetta vil ég segja tvennt.
Í fyrsta lagi eru bankar ekki venjuleg fyrirtæki. Þeir starfa með leyfi og undir eftirliti stjórnvalda. Og eru þess vegna á ábyrgð stjórnvalda að verulegu leyti.
Í öðru lagi er Icesave til komið vegna glæpsamlegs hátternis Landsbankans og einskis annars.
Landsbankinn, ólíkt hinum glæpafyrirtækjunum rak svikamylluna sína sem útibú frá Íslandi, með því móti komust þeir hjá eftirliti erlendis og gátu farið sínu fram lengur en í leiðinni skapað tryggingasjóðnum hér ábyrgð.
Það hefur ekkert með kerfishrun eða regluverk að gera.

Að lokum þetta. Miðað við allt sem aflaga fór í hruninu og aðdraganda þess er Icesave smámál.
Þó að óvíst sé með heimtur, er samt varlega áætlaður kostnaður ríkissjóðs svona helmngurinn af því sem gjaldþrot Seðlabanka Davíðs Oddssonar (já, þess sama) kostar okkur. Þetta mál hentar hinsvegar mjög vel til hverskonar lýðskrums um hvernig vondir útlendingar í samsæri sitja um okkur sakleysingjana og ætla að hafa af okkur landið og miðin.
Þáttur sjálfstæðismanna er svo alveg sérkapítuli.
Ef sá flokkur hefði snefil af sómatilfinningu bæðist hann einfaldlega afsökunar á Icesave og legði sig svo niður. Eða þegði að minnsta kosti á meðan um það er fjallað.

Elsku Sóley!

2009-11-28T23:15:00.003Z

May God bless and keep you always,
May your wishes all come true,
May you always do for others
And let others do for you.
May you build a ladder to the stars
And climb on every rung,
May you stay forever young,
Forever young, forever young,
May you stay forever young.

May you grow up to be righteous,
May you grow up to be true,
May you always know the truth
And see the lights surrounding you.
May you always be courageous,
Stand upright and be strong,
May you stay forever young,
Forever young, forever young,
May you stay forever young.

May your hands always be busy,
May your feet always be swift,
May you have a strong foundation
When the winds of changes shift.
May your heart always be joyful,
May your song always be sung,
May you stay forever young,
Forever young, forever young,
May you stay forever young.

Til hamingju með afmælið stóra litla stelpan mín.

kvíði mæða og angist er...

2009-11-16T09:58:00.002Z

Ó já!
Baun er komin heim.

Það var svo sem auðvitað...

2009-11-09T22:12:00.002Z

að það verður lögfræðistofa sem flytur fyrst allra í Höfðatorgsturnóbermið.
Hvað annað kom til greina? Ekki er NAMBLA með starfsemi í borginni...

Ég hef nú sett stefnuna...

2009-11-04T23:18:00.003Z

á titilinn latasti bloggari landsins.
Vinn að því hörðum höndum að hreppa hnossið.
Stiili mig hvað eftir annað um að viðra skoðanir mínar á mönnum og málefnum.

Svo stendur maður þarna...

2009-10-26T11:36:00.004Z

og hugsar í þáskildagatíð.

Afhverju bjargast sumir en aðrir sökkva?

Ekki veit ég það, en ég finn að það læðist að mér hugsunin,
There but for the grace of God go I...

Veit svosem ekki afhverju...

2009-10-06T09:30:00.002Z

en mér fannst þetta hrikalega fyndin mynd.

Loksins hefur mér tekist...

2009-10-02T11:40:00.004Z

að koma afdráttarlausri skoðun á einhverju á framfæri. Ég sagði upp mogganum á dögunum og það hefur greinilega skilist að við kærðum okkur ekki um fleiri eintök inn á heimilið. Það hafa altént ekki borist nein kynningareintök til okkar síðan. Mér dettur í hug hvort vera kunni að orðalagið "þið getið rúllað honum upp og stungið þangað sem sólin skín ekki" hafi verið það sem þurfti. Þeir sem fá óumbeðna "kynningaráskrift" og kæra sig ekki um hana, gætu reynt þessa orðræðu til að afþakka...

Án titils.

2009-09-24T20:51:00.002Z

Skyldi vera hægt að kaupa krossgátu beint frá bónda?

"Say hello...

2009-09-14T08:36:00.003Z

to my leeetle friend!"
- Tony Montana

Flauel í eyru

2009-09-10T22:35:00.001Z

Ég álpaðist á tónleika hjá þessari konu i Kaupmannahöfn fáeinum vikum eftir að þessi upptaka var gerð sumarið 2007. Algjörlega ógleymanlegur konsert.

Ég get ekki að því gert...

2009-09-03T22:20:00.002Z

að ég hef illan bifur á friðarljóssúlunni í Viðey.
Mér finnst hún meira í ætt við Darth Vader og the dark side of the force heldur en Lennon og Bítlana.

Hei! Var ekki kveikt á þessu rétt áður en hrundi?

Í augnablikinu getur verið slökkt á Neyðarlínunni...

2009-08-30T09:14:00.004Z

Ég hef stundum séð í bíó þegar kúklúxklanarar og annað illþýði brennir krossa fyrir utan heimili þeirrra sem þeim mislíkar við. Í nótt, svona um það bil þegar við vorum að festa svefn barst bjarmi á glugga sem minnti einna helst á svona krossbrennu. Í ljós kom að kveikt hafði verið í auglýsingaskilti einu myndarlegu sem hér stóð álengdar. Mér vitanlega hafði þetta skilti ekkert til saka unnið annað en að bera á annarri hliðinni borgarkort fyrir ferðamenn sem oft er nú gnótt af hér um slóðir, og misfallegar auglýsingar á hinni hliðinni. Þetta var myndarlegasta eldsúla og ljóst að í skiltinu var meiri eldsmatur en ég hefði ætlað. Nú, eða brennuvargarnir betur búnir. Á tímabili virtist eldurinn geta teygt sig í nálægan trjálund, svo ég brá á það ráð að hringja í Neyðarlínuna og óska eftir nærveru slökkviliðsins. Og þá kom að því sem varð kveikja þessa pistils. Það svaraði ekki hjá Neyðarlínunni! Ekki svo mikið sem "Þú hefur nú náð sambandi við Neyðarlínuna, símtöl verða afgreidd í réttri röð...". Það var ekki fyrr en í fjórðu tilraun, eftir að hringt hafði út í tvígang að einhver mátti vera að því að svara hjá 112. Maður hefð getað steindrepist þokkalega á meðan...

Hlaupatengt montblogg!

2009-08-22T12:31:00.004Z

Ég hljóp hálfmaraþon í morgun.
Ég er býsna ánægður, þó tíminn hafi ekki verið neitt sérstakur.
Ég hef lítið hlaupið í sumar og verið slæmur í hnénu undanfarið.
En þetta hafðist. Og ég var ekki verr haldinn en svo að ég hjólaði heim eftir hlaupið.
Aldur og fyrri störf og allt það.
Rétt marði að verða á undan sögukennaranum mínum úr menntó. Hann er kominn yfir sjötugt!
Ég ætla að verða svona þegar ég verð stór.

Fast þeir sóttu sjóinn...

2009-08-18T13:17:00.002Z

Líklega verður róið í dag...

2009-08-17T09:32:00.002Z

Gæti farið svo að ég kæmist á sjó í dag. Það væri ekki leiðinlegt!

Í tilefni dagsins!

2009-08-08T12:55:00.001Z

C'est la flea!

2009-08-06T10:20:00.001Z

Hér eru gögnin um Kaupþing og lánasukkið

2009-08-01T20:46:00.001Z

http://wikileaks.org/wiki/Financial_collapse:_Confidential_exposure_analysis_of_205_companies_each_owing_above_EUR45M_to_Icelandic_bank_Kaupthing%2C_26_Sep_2008

Pakkið ætlar auðvitað að reyna að sópa þessu undir teppi og þagga niður...

Nina Simone - Ev'ry Time We Say Goodbye

2009-07-30T23:20:00.001Z

Veiðibörn og maríulax

2009-07-25T12:06:00.002Z

Hringadróttinssaga í N-ta sinn

2009-07-08T12:17:00.004Z

Við feðgarnir vorum að ljúka við að horfa á lengri útgáfuna. Þetta er eiginlega fastur liður þegar hann sonur minn kemur til Íslands. Ég hef ekki lengur tölu á hversu oft við höfum horft á þessar myndir. Okkur finnst þær alltaf jafn stórkostlegar og spennandi og skemmtilegar.

Það er nú kannski líka félagsskapurinn...

Margt er sér til gamans gert...

2009-07-02T11:52:00.001Z

Það er eitthvað undarlega dáleiðandi við þetta myndband. Stríðsátök bandaríkjamanna á 20. öld endurgerð úr matvælum viðkomandi þjóða...

Einhverra hluta vegna...

2009-06-29T09:50:00.004Z

er mér búinn að vera hugleikinn bókartitill.
The long dark teatime of the soul...

En á morgun er allt að gerast!
Held ég geri orð dóttur minnar að mínu:
Yay!!!!!!!!!!
;D

Meðan ég bíð skrapp ég á fjöll...

2009-06-20T17:57:00.002Z

Skessuhorn 963m.

Ég bíð og tel dagana...

2009-06-12T00:57:00.001Z

vinn og bíð og er og bíð og sef og vakna og bíð...

Úps æ diddit agein

2009-05-26T20:57:00.001Z

Hjólaði sömu leið heim úr vinnu.
100 km á einum degi er bara alveg ágætt hjá svona gömlum kalli.

Hjólaði í vinnuna í morgun

2009-05-26T14:35:00.003Z

Lengri leiðina...

Mér finnst ég stundum latur og framtakslaus...

2009-05-21T12:43:00.002Z

en samt geri ég nú ýmislegt. Og þegar ég er á annað borð kominn af stað er ég býsna skriðþungur.

Efasemdir mínar um Evrópusambandið...

2009-05-12T20:16:00.003Z

jukust verulega við að hlusta á þetta örlagagaul í kvöld.
Eigum við virkilega samleið með þessu?

Afmæliskveðja

2009-05-07T09:10:00.003Z

Þessi fallegi drengur á afmæli í dag.
Hann er 8 ára og ég sakna hans.
Meira en orð fá lýst.

Mæling

2009-05-05T01:01:00.000Z

2097,85.
Nákvæmlega.

Manifestó 1. maí

2009-05-01T16:05:00.002Z

Öreigar allra landa sameinist!
Við höfum engu að tapa nema Landkrúserunum og Reinsróverunum!

Fréttir af landsbyggðinni

2009-04-28T15:38:00.004Z

Langþráð átak í sorphirðu í Mosfellsbæ orðið að veruleika.
Abát bloddí tæm!

Draumalandið

2009-04-22T22:47:00.002Z

Ég ætla ekki að segja neitt um þessa mynd að svo stöddu. Ég er hræddur um að það sem mig langar að skrifa um austfirðingana og húsvíkingana sem í henni verða sér til ævarandi skammar varði við meiðyrðalöggjöfina. Eða þetta siðblinda og glórulausa stjórnmálahyski...

Afmælishlaupagort

2009-04-16T19:05:00.002Z

Ég stóð við planið mitt og hljóp hálft maraþon eftir vinnu í dag.
Það var fínt hlaupaveður og þetta gekk ljómandi vel.
Þurfti ekkert að stoppa og hélt góðu (á minn mælikvarða) tempói.
Fór Reykjavíkurmaraþonhring, og tíminn var 2:07:00.
Ég er bara þokkalega ánægður með kallinn núna og finn endorfínið hríslast...

Í tilefni dagsins....

2009-04-16T08:32:00.001Z

Orð dagsins er...

2009-04-13T22:30:00.000Z

auðvitað raksápupáskar.

Mér hefur sjaldan fundist gott...

2009-04-11T20:12:00.001Z

að vera maður, og einna síst núna...

Mér hefur alltaf fundist gott...

2009-04-10T20:56:00.002Z

að vera ekki sjálfstæðismaður, en ég held það hafi aldrei verið jafngott og núna...

Fjallganga með syninum og unnustunni.

2009-04-09T17:05:00.006Z

Páskafríið hófst í dag, með fjallgöngu.
Fjallið var valið fyrir son minn sem hefur ekki staðið í miklu fjallamennskustússi í Danmörku undanfarin ár. Við rúlluðum þess vegna með hann upp í Kaldársel og trítluðum á Helgafell.
Það er skemmst frá því að segja að pilturinn stóð sig með prýði, þrátt fyrir að skóbúnaðurinn væri ekki af allra bestu gerð. Unnusta mín yndisleg festi okkur feðgana á filmu...

Ég er ákaflega stoltur af stráknum mínum, og mér finnst unnustan dásamlegri en ég get sagt

Meira gort...

2009-04-07T23:03:00.003Z

Tók mér pásu frá hálflösnum stubb og hljóp kringum Garðabæinn með skokkhópnum.
Hékk í þeim þangað til svona 300 metrar voru eftir...
Fékk svo heimaverkefni. Það er fínt...

Ég veit ekki hvað er hlaupið í mig...

2009-04-04T14:03:00.003Z

Dreif mig út í morgun, hljóp 19,5 km án teljandi harmkvæla.
Átti að heita að ég hlypi með hóp, en ég var nú fljótur að missa af lestinni.
Hér er leiðin sem ég fór:
Nú fæ ég drenginn minn til mín í dag. Hef hann í heila viku. Ég hlakka svo til!

Meira hlaupablaður

2009-04-02T23:18:00.003Z

Ég gerði tilraun í kvöld, skokkaði í rétt tæpan hálftíma, 4 km. sneri svo við og markmiðið var að skokka hraðar til baka. Það tókst, ég var 5 mínútum fljótari á bakaleiðinni. Mér finnst mér fara smávegis fram, jafnt og þétt, ekki við öðru að búast en að þróunin sé hæg hjá manni sem var að komast á grafarbakkann þegar hann hljóp af stað. Mér finnst gaman að hlaupa, en fáfræði mín og þekkingarskortur rennur mér til rifja. Ég er annars búinn að setja mér skammtímamarmið, meira um það seinna. Þeir vesalingar sem enn nenna að lesa þetta stagl (báðir tveir) eru svo beðnir velvirðingar á leiðindunum.

Ég fékk hugmynd...

2009-03-26T20:22:00.007Z

og þar sem það gerist ekki oft ákvað ég að blogga um hana.
Í hlaupatúr dagsins átti ég leið framhjá Fríkirkjuvegi 11 og þá fór ég að hugsa.
Það styttist væntanlega í að ríkið eignist húsið, þegar restin af spilaborginni hrynur hjá Bjögganum. En hvað á að gera við það?
Ég er með tillögu.
Rétt eins og til er safn um helförina í Ísrael og minnismerkið í Washington um Vietnamstríðið væri upplagt að gera úr þessu húsi safn um hrunadans útrásarvíkinganna og bankaglæpamannanna, vanhæfu og ráðalausu stjórnmálamennina og embættismennina, risið og fallið.
Það mætti blanda myndum af óhófinu og klikkuninni saman við myndir af tómum hálfbyggðum húsum, atvinnuleysingum í biðröð hjá Vinnumálastofnun og öðrum afleiðingum sturlunarinnar.
Svo gæti verið sér salur fyrir bankabrjálæðið. Myndir af Sigurjóni digra, Sigurði Einars og hinum þjófunum, lýsingar á mikilmennskuórunum og spilaborgunum. Þar væri líka minningarveggur með nöfnum þeirra sem áttu peninga á Icesave reikningunum og hversu miklu var stolið af þeim.
Möguleikarnir eru endalausir. Faratækjaherbergið, fullt af myndum af einkaþotum, snekkjum og lúxusbílum, umfjöllun um Gumball montkappaksturinn og umferðina á Reykjavíkurflugvelli. Sér kompa fyrir helstu aftaníossana, sem ritstýrðu viðskiptablöðum, og störfuðu í greiningadeildunum, svona "Göbbels-room", með glórulausum tilvitnunum fallega innrömmuðum á veggjunum, upplagt að hafa líka vídeó á skjá, Hannes að þrugla um dautt fé og ég veit ekki hvað. Salur fórnarlambanna væri líka ómissandi, nöfn og myndir af fólki, sem missti aleiguna, listar yfir nauðungarsölur og atvinnuleysistölur.
Salur stjórnvalda með margmiðlunarefni og völdum viðtalsbrotum: Hér er engin kreppa... Það hefði nú eitthvað heyrst ef við hefðum gert eitthvað í málunum... Hér er allt í allra besta lagi...
Þarna væri hægt að taka á móti skólahópum, fræða þau um græðgi og afleiðingar hennar, hvernig besta fólk gat blindast og sturlast í eftirsókn eftir veraldlegum gæðum og sagði svo þegar æðið rann af því, ég var bara að fylgja fyrirmælum...
Ég er viss um að svona safn drægi til sín mikinn fjölda gesta.
Og ég er ekki frá því að það myndi líka minnka hættuna á að þessi geðveiki taki sig aftur upp...

Mont #2

2009-03-26T20:05:00.002Z

Hvíld í gær, 9 km í dag, fínn rólegur hringur í fallegu en köldu veðri.
Fékk fína hugmynd á hlaupunum, meira um það seinna.

Mont!

2009-03-24T20:23:00.003Z

Undanfarið er ég búinn að vera þokkalega duglegur (á minn mælikvarða altsvo) 11.5 km í gær og 8,5 í dag. Kominn í 52 km síðan ég byrjaði að skrá. Sjá hér.
Þetta smá skánar. Þarf að fara að setja mér markmið og svona...
Hér er afrek dagsins:
Ég veit, ég veit... Bara varð að monta mig smá.

Extreme Sheep LED Art

2009-03-23T11:31:00.002Z

einhverra hluta vegna finnst mér þetta tryllingslega fyndið.

Hljóp í hóp...

2009-03-17T23:33:00.003Z

í fyrsta sinn í dag. ÞAð var ekki sem verst. Ákaflega kurteist og elskulegt fólk, sem lét eins og ekkert væri og sneri nokkrum sinnum við og sótti undirritaðan blóðmörskepp.
Ég hugsa að ég mæti aftur.
Ef ég kemst framúr á morgun...

Úlfur í sauðargæru?

2009-03-12T14:38:00.001Z

Maður spyr sig...

Mér líður...

2009-03-11T19:28:00.002Z

eins og ég hafi gleymt einhverju mjög mikilvægu áðan.
Veit samt ekkert hvað það ætti að vera.
Sjálfsagt einhver vitleysa í mér.
Ekki í fyrsta sinn...

Veit ekki af hverju...

2009-03-09T11:09:00.001Z

en það var að rifjast upp fyrir mér texti sem ég las fyrir löngu.
Um lækni á eyðieyju, sem borðaði sjálfan sig í áföngum.
Hann var góður.
Textinn.

Ég hljóp í kvöld...

2009-03-03T21:33:00.002Z

um Laugardalinn.
Það var yndislegt að fara út, logn, tunglsljós,
trén svo svört og snjórinn hvítur og hreinn.
Það voru ekki margir á ferli og einhvernveginn varð allt svo tært og skýrt.
Eins og að ganga inn í grafíkverk.
Heimurinn svartur og hvítur.
Spilarinn sem ég hleyp venjulega með varð rafmagnslaus,
skömmu eftir flugtak og þess vegna hugsaði ég meira
en ég er vanur á meðan ég hleyp.

Hvað ég hugsaði?

Það var ekki flókið.

Allir heimsins erfiðleikar eru yfirstíganlegir,
bara ef ég fæ að vakna hjá ástinni minni.

Og grasrótin sem leit svo vel út fyrir fáeinum vikum...

2009-02-28T15:44:00.005Z

gulnar óðfluga, breytist í líflausa sinu og drepst. Kannski erum við bara svona ófullkomin dýrategund eftir allt saman.
Gömlu flokkssláttuvélarnar rúlla áfram, smá kinnalitur hér og augnskuggi þar, verstu slúbbertunum ýtt út (nema Árna Johnsen sem ekkert haggar) það er veggfóðrað yfir sprungurnar og látið eins og ekkert hafi í skorist. Hvarflar helst að manni að nýjir valdhafar ætli sér að sanna að það sé sami rassinn undir þeim öllum.
Fólk er alveg ótrúlega fljótt að gleyma...

Í öðrum fréttum er það helst að ég elska baunina mína meira en ég get sagt. Ekki síst þegar hún er lasin.

Ástin mín

2009-02-26T00:25:00.003Z

Stundum þegar ég ligg í myrkrinu
og hlusta á andardráttinn þinn fer ég að hugsa.
Um lífið áður en ég kynntist þér.
Stundirnar sem við höfum átt saman
og alla dagana sem ég þrái að eiga með þér
meðan bærist líf í brjósti.
Og hver andardráttur þinn
verður mér svo óendanlega mikilvægur.
Þá finn ég svo sterkt að þú ert mér alls virði
og hvað ég elska þig heitt.

Einhvern tíma heyrði ég eða las...

2009-02-24T20:14:00.001Z

The world will not end with a bang, it will go out with a whimper.
Ég var að horfa á eitthvað svoleiðis í beinni útsendingu.

Democracy is coming...

2009-02-24T10:18:00.000Z

Yeah, right!

Í tilefni dagsins...

2009-02-22T14:47:00.001Z

Sætt... (og satt...)

2009-02-19T11:24:00.001Z

let it be

2009-02-18T14:18:00.001Z

Segir sig sjálft...

Mennirnir elska...

2009-02-16T10:55:00.001Z

Að marggefnu tilefni vil ég taka fram...

2009-02-13T11:44:00.003Z

að ég gef ekki kost á mér á lista Framsóknarmanna.
Hvorki fyrir kosningarnar í vor né nokkrar aðrar kosningar.
Fyrr þrifi ég ferðakamra á útihátíðum!

Mikið ofboðslega er ég orðinn þreyttur...

2009-02-10T22:24:00.007Z

á þessari skotgrafarhernaðartaktík sem engan enda virðist ætla að taka.
Í stað þess að horfast í augu við afleiðingar gjörða sinna og axla ábyrgð, kasta þeir skít.
Það var allt hinum að kenna.
Við réðum kannski, en það var samt allt hinum að kenna
Menn éta upp sömu þvæluna aftur og aftur.
Hversu oft sem hún er hrakin.
Skiptir ekki máli. Lygin er bara endurtekin.

Hér eru tvö dæmi.

Um þriggja ára skeið amk hafa sjálfstæðismenn tönnlast á að Samfylkingin og Baugur séu þvílíka kærustuparið. Nefna ósjaldan Borgarnesræðu ISG máli sínu til stuðnings. Hafa augljóslega aldrei lesið hana, en éta bullið hver upp eftir öðrum. Þó ég sé ekki sérstakur aðdáandi ISG lét ég mig hafa það að lesa þessa blessuðu ræðu. Það "svæsnasta" sem ég fann í henni var þetta:

“Í efnahags- og atvinnumálum hljótum við líka að leiða til öndvegis leikreglur hins frjálslynda lýðræðis. Okkur kemur ekkert við hvað þeir heita sem stjórna fyrirtækjum landsins eða hvaða flokki þeir fylgja að málum. Gamlir peningar eru ekkert betri en nýir. Ef ketti er ætlað að veiða mýs þá má einu gilda hvort hann er svartur eða hvítur – svo lengi sem hann gegnir sínu hlutverki. Í atvinnu- og efnahagslífinu eru það umferðarreglurnar sem gilda og þær eiga að vera skynsamlegar og í þágu alls almennings. Stjórnmálamennirnir bera ábyrgð á leikreglunum en leikendur bera ábyrgð á því að fara eftir þeim. Það má leiða að því rök að afskiptasemi stjórnmálamanna af fyrirtækum landsins sé ein aðalmeinsemd íslensks efnahags- og atvinnulífs. Þannig má segja að það sé orðstír fyrirtækja jafnskaðlegt að lenda undir verndarvæng Davíðs Oddssonar eins og það er að verða að skotspæni hans. Ég vil þannig leyfa mér að halda því fram að það hafi skaðað faglega umfjöllun um Íslenska erfðagreiningu, bæði hérlendis og erlendis, að sú skoðun er útbreidd að fyrirtækið njóti sérstaks dálætis hjá forsætisráðherranum. Það vekur upp umræðu og tortryggni um að gagnagrunnur fyrirtækisins og ríkisábyrgðin byggist á málefnalegum og faglegum forsendum en ekki flokkspólitískum. Sama má segja um Baug, Norðurljós og Kaupþing. Byggist gagnrýni og eftir atvikum rannsókn á þessum fyrirtækjum á málefnalegum og faglegum forsendum eða flokkspólitískum? Ertu í liði forsætisráðherrans eða ekki – þarna er efinn og hann verður ekki upprættur nema hinum pólitísku afskiptum linni og hinar almennu gegnsæju leikreglur lýðræðisins taki við. Þetta er verkefni Samfylkingarinnar. Samfylkingin á að vera óháð öllum helstu eignahópunum í samfélaginu, hún á að gæta almannahagsmuna, ekki sérhagsmuna.

Í fjármálum, fyrirtækjarekstri, fjölmiðlum og sveitarstjórnarmálum á Íslandi er ennþá spurt: Í hvaða liði ertu? Ertu í náðinni hjá stjórnarráðinu eða ekki? Þessu verður að linna, við verðum að losna við hina sjálfmiðuðu, stjórnlyndu valdsmenn. Við verðum að endurvekja traust almennings á stofnanir samfélagsins með nýjum leikreglum, nýju inntaki, nýrri ímynd. Þetta er hlutverk Samfylkingarinnar.“

Verð nú að segja að mér finnst þetta ekki mjög krassandi, og sé ekki með nokkru móti þá eldheitu ástarjátningu til Baugs sem Doddson og félagar lásu úr þessu.
Það sem mér finnst hinsvegar blasa við, eru vænisýkisleg viðbrögð Davíðs og félaga: þeir sem eru með röfl, hljóti að tilheyra "hinu liðinu" það eru bara tveir litir í boði, snjóhvítt og biksvart og ekkert þar á milli. Og foringinn hefur alltaf rétt fyrir sér, líka þegar honum skjátlast.

Annar kapítuli er forsetanefnan.
Sá vindbelgur virðist reyndar óvenju illa haldinn af "foot in mouth disease" um þessar mundir.
En þessi endalausi söngur um klappstjórn hans við útrásina er bara hlægilegur.
Það hefur nánast frá upphafi embættisins verið litið svo á að eitt meginhlutverk forseta Íslands
sé að vera menningarlegur og viðskiptalegur sendiherra okkar. Grísinn var einfaldlega bara að vinna vinnuna sína. Það sem gerir sönginn um forsetaklappstýruna samt virkilega hallærislegan er að hann kemur frá stuðningsmönnnum flokksins sem hér réð ríkjum um 18 ára skeið, flokksins sem skapaði jarðveginn fyrir brjálæðið, flokksins sem afnam reglurnar, flokksins sem gaf vildarvinum sínum fiskinn í sjónum og bankana í landinu. Flokksins sem þangað til fyrir skemmstu þakkaði sér og engum öðrum en sér afrek útrásarvíkinganna.
Ekki það?
Hvað með þetta þá?

Hmmm, reyni aftur...

2009-02-09T11:50:00.000Z

Svínvirkaði síðast.

Ég man að...

2009-02-02T22:47:00.005Z

þegar ég var strákur var sungið í vissum kreðsum (með dreymandi augnaráði):

Morgunblaðið brunnið er
við bálið þar var gaman
kommúnistar komu hér
og kveiktu í öllu saman

Birnir Bjarnasynir heimsins höfðu fyrir satt að þetta væri alveg planið og biðu bara eftir að kommaskríllinn kæmi æðandi með kyndlana.

Mér finnst alveg dásamlega kaldhæðnislegt ef mogginn drepst svo á endanum úr græðgi og kapítalisma.

Jæja...

2009-02-01T17:51:00.004Z

þá er Framsóknarflokkurinn aftur kominn til valda.
Einhvern veginn fyllist ég ekki bjartsýni við tíðindi dagsins.

Ástin mín á afmæli í dag!

2009-01-30T09:06:00.002Z

Hún verður fallegri og yndislegri með hverjum deginum sem líður.
Ég er gæfumaður.

Naglinn hittur...

2009-01-28T09:48:00.000Z

beint á höfuðið hér!

Hnoð sem verðskuldar ekki titil...

2009-01-27T12:59:00.002Z

Imba og Geiri eru kvitt
á hvort annað veina
ég þarf ekki lengur þitt
þú veist hvað ég meina

Þá er hún hrokkin upp af!

2009-01-26T13:43:00.001Z

Kafnaði í hroka.
Varð fáum harmdauði.
Eiginlega alveg sama hvað tekur við.
Getur tæpast orðið verra.

Eitt orð...

2009-01-26T12:34:00.001Z

PEREAT!

Fyrsti í öxlun!

2009-01-25T11:58:00.003Z

rann upp eftir rúma þrjá mánuði.
Vona að annar í öxlun sé á næsta leiti.
Gaman að sjá að dropinn holar líka hrokasteininn.
Blindir að fá sýn og daufir að heyra?
Vonandi!
Nudge nudge wink wink Þvergeir!

Mátti til...

2009-01-21T22:37:00.000Z

Democracy is coming...

2009-01-21T01:04:00.002Z

It's coming through a hole in the air,
from those nights in Tiananmen Square.
It's coming from the feel
that this ain't exactly real,
or it's real, but it ain't exactly there.
From the wars against disorder,
from the sirens night and day,
from the fires of the homeless,
from the ashes of the gay:
Democracy is coming to the U.S.A.
It's coming through a crack in the wall;
on a visionary flood of alcohol;
from the staggering account
of the Sermon on the Mount
which I don't pretend to understand at all.
It's coming from the silence
on the dock of the bay,
from the brave, the bold, the battered
heart of Chevrolet:
Democracy is coming to the U.S.A.

- L. Cohen

Fannst svolítið skondið...

2009-01-19T11:15:00.003Z

á Austurvelli á laugardaginn þegar ég heyrði fylgdarmann fransks sjónvarpsfréttahóps reyna að þýða "Helvítis fokking fokk" á frönsku.
Hann kom nú reyndar merkingunni vel til skila heyrðist mér...
Einhverjar tillögur um þýðingu annars?
Kristín?
Einhver?

Getur einhver bent mér...

2009-01-17T12:08:00.001Z

á friðsamleg mótmæli sem hafa skilað nokkrum sköpuðum hlut?
Ekki misskilja, ég mæti á Austurvöll í dag, eins og aðra laugardaga.
Stundum efast ég bara um að það sé til nokkurs...

Ég lærði þegar ég var lítill stubbur...

2009-01-12T23:39:00.002Z

að það eina sem þarf til að illskan nái yfirhöndinni í heiminum er að gott fólk geri ekki neitt.

Ég leiddi þetta hjá mér árum og kannski áratugum saman.

En upp á síðkastið hefur mér orðið betur og betur ljóst að þetta er það sem máli skiptir.

Græðgin og heimskan hafa vaðið uppi.
Og allt of margt gott fólk gerði ekki neitt.
Það er mikið auðveldara að þegja bara.
Láta ekki á sér bera, horfa framhjá, bölva kannski í hljóði
og vona að einhver annar hreinsi upp skítinn.

En meira að segja gufu eins og mér getur ofboðið.

Og nú hefur það gerst.

Ég vil geta horft framan í börnin mín og barnabörnin ef ég eignast þau.

Mótmæli í dag!

2009-01-10T12:45:00.001Z

http://larahanna.blog.is/blog/larahanna/entry/767334/

Ég horfði á Kastljós í kvöld...

2009-01-07T22:41:00.005Z

og varð bæði sár og reiður!
Svo las ég þetta:

http://hateigsvegur.wordpress.com/2009/01/07/fagra-nyja-island/

Nákvæmlega hvað ég vildi sagt hafa!
Held mér finnist Samfylkingin bara enn skítlegri en Sjallarnir.
Ég hafði einhven tíma einhverja trú á þessu liði.
Flónið ég!